في نهار وليالي رمضان، الراديو بيكون ونس لناس كتير، صحيح طول السنة الراديو مليان برامج ومسلسلات، لكن في شهر رمضان كل حاجه بيكون لها طعم مختلف وخصوصًا "الراديو".
علشان كده، جمعنا لعشاق الراديو أهم 3 مسلسلات هتتذاع على الأثير طول أيام رمضان 2022.
العصمة في إيدي
بطولة النجم أحمد حلمي وهنا الزاهد وإدوارد، مسلسل كوميدي اجتماعي، هيتذاع على على شبكة راديو النيل.
كمال اصطناعي
أحداثه بتدور في إطار من الفانتازيا، هيتذاع على راديو إنرجي 92.1، بطولة محمد فراج وزوجته بسنت شوقي في أول عمل إذاعي بيجمعهم.
آدم وحورية
مسلسل إذاعي كوميدي جديد هتقدمه حورية فرغلي وهيشاركها البطولة الفنان الكوميدي بيومي فؤاد، ومن المقرر إذاعته على نجوم إف إم 100.6.
