أعلن النجم محمد رمضان على حسابه الرسمي على إنستجرام عن تحضيره لفيلم سينمائي جديد، هيكون اسمه "نمبر وان"، اللقب الأشهر ليه خلال السنين الأخيرة واللي أثار حالة كبيرة من الجدل.

"رمضان" ماقالش تفاصيل عن قصة الفيلم أو الأبطال المشاركين فيه، لكن وضح إنه من تأليف أحمد عادل، وإخراج ياسر سامي، وبعد الانتهاء من تصويره هيتم عرضه في سينمات مصر والوطن العربي.

واختلفت ردود الأفعال بين مؤيد ومعارض للفيلم رغم عدم وضوح تفاصيله لحد دلوقتي، واتوقع عدد كبير من جمهور محمد رمضان إن الفيلم هيكون شبه نوعية الأعمال اللي اتعود يقدمها، ونصحوه بإنه ييغير أدواره خاصة إنه ممثل كويس. حسب تعبيرهم.