في قرار يعتبر صادم للبعض، أعلن الفنان هاني شاكر نقيب الموسيقين انتهاء مشوار مؤدي المهرجانات حسن شاكوش، "بشكل نهائي وبلا رجعة" على حد تعبيره، على خلفية أزمته الشهيرة مع المطرب الشعبي رضا البحراوي في الساحل الشمالي، واللي اتسببت في منعه من الغناء، بقرار من نقابة الموسيقيين بداية سبتمبر اللي فات.
وخلال لقائه مع برنامج "ET" بالعربي، عبر هاني شاكر عن انزعاجه الشديد من نوعية الغناء اللي بيقدمها "شاكوش"، وبالتالي قرر مع أعضاء التقابة سحب ترخيص "شاكوش" بشكل نهائي، وقال: "إحنا مش ناقصين في الوسط الفني النوع الغريب والعجيب ده في الغناء".
وأضاف: " شاكوش موقفه صعب خاصة إنه غنى غنوة إباحية على المسرح، وخلى الجمهور يغنيها معاه، وكمان قصد إهانة فئة معينة من العاملين بالفن، ده شئ مش مقبول خالص".
