مهرجان مالمو للسينما العربية أعلن رسميًا مشاركة 10 أفلام مصرية بفاعليات الدورة التاسعة للمهرجان اللي هتقام من يوم 4 حتى 8 أكتوبر القادم.

ومصر هتشارك بـ 7 أفلام طويلة منها ليل خارجي لأحمد عبد الله السيد، والضيف لهادي الباجوري. اللي هينافسوا في مسابقة الأفلام الروائية الطويلة. وكمان فيلم "الكيلو 64" لأمير الشناوي، و"الشغلة" لرامز يوسف، هينافسوا في مسابقة الأفلام الوثائقية الطويلة.

وهيتم عرض فيلم "تراب الماس" لمروان حامد ضمن قسم ليالي عربية. وخلال أمسية خاصة هيتم عرض فيلم "يوم الدين" لأبو بكر شوقي، مع عرض صباحي موجه للأسرة بفيلم "الفارس والأميرة"، أول فيلم تحريك طويل مصري.

أما مسابقة الأفلام القصيرة للمهرجان فهتشارك فيها 3 أفلام مصرية: "ما تعلاش عن الحاجب" لتامر عشري، "شوكة وسكينة" لآدم عبد الغفار، و"إكسترا سيف" لنوران شريف.

جدير بالذكر إن مهرجان مالمو للسينما العربية (MAFF)، هو أكبر مهرجان أفلام مهتم بالسينما العربية، في أوروبا. واتأسس في 2011. تقدروا تعرفوا أكتر عن المهرجان من هنا.