بما إن الحجر الصحى والحظر لسه مطولين وإحنا قاعدين في البيت مع أهلنا، فطبيعي جدًا تحصل خناقاتنا وقفشاتنا المعتادة بيننا وبينهم. بس وارد الموضوع يخرج عن السيطرة شوية. وعلشان الأمور تعدي بسلام والعلاقات ماتبوظش مننا، قررنا نقول لكم كام نصيحة كده، ممكن تساعدكم تتجنبوا النوع ده من الخناقات:

1- قول "حاضر".. بتريح

اللي قال كده كان عنده نظرة مستقبلية لحل كل المشاكل. حقيقي الكلمة لها مفعول السحر. هتوفر عليك جدال ومناقشات كتيرة، في الغالب لازم تطلع انت اللي تطلع منها غلطان. فوفر على نفسك التعب وقول حاضر.

2- اعمل مشاوير البيت

لما تنزل تقضي طلبات البيت (طبعًا وانت واخد كل احتياطاتك)، مش بس هتقلل فرص خناقاتك مع أهلك، انت كمان هتبقى غيرت جو وخرجت. يعني انت المستفيد برضو. انزل مشي رجلك شوية كده بدل القعدة طول النهار والليل على الكنبة.

3- نتفليكس أند تشيل

بدل خناقة الريموت إياها، ومين يحول القناة ومين بيتابع إيه. افصل من كل الدوشة دي وخليك مع الرفيق الأول والأهم "نتفليكس". وأي حاجة انت عايز تشوفها هتلاقيها أونلاين، وسيب لهم التليفزيون يشبعوا به.

4- خليك في أوضتك 

5- انجز كل اللي متأجل

ده أنسب وقت تخلص فيه كل اللي فايتك ومأجله. رتب أوضتك اللي انت سايبها شبه المقبرة، خلص الشغل اللي كنت سايبه من فترة، يا سيدي اتفرج على الأفلام اللي انت حاططها على watch list ولسه ماشوفتهاش. معاك وقت طويل جدًا وانت فاضي، تقدر تستغله بالطريقة اللي تريحك

وانتو بقى ياترى اتخانقتوا كام خناقة لحد دلوقتي؟