كتير من الآباء بيواجهوا مشاكل في تربية أبنائهم، خاصة العنيدين منهم. الطفل العنيد مش بيسمع لنصائح أهله بسهولة. وده ممكن يرجع لأسباب نفسية، أو مشاكل في البيت أو المدرسة. علشان كده بنقدم لكم أهم النصائح، في التعامل مع النوع ده من الأطفال:
- الصبر والمرونة في التعامل. لازم نتبع الهدوء والتفاهم، ومانبدأش بالأوامر المباشرة. حتى لو ماجابتش نتائج في البداية.
- التشجيع والمدح لأي تصرف إيجابي، حتى لو كان بسيط. والمكافأة عليه، والتأكيد على أهميته.
- الاستماع جديًا للطفل وآرائه. وعدم إجباره على تنفيذ أي أمر بالقوة.
- تجنب أي مشاكل الأسرية أمام الأطفال. المشادات التمكررة بين الأب والأم، لها دور كبير في التأثير على نفسية الطفل.
- الاتفاق على نوع معين من العقاب، مايكونش فيه مبالغة. زي حرمانه من حاجة بيحبها لو ماستجبش للأوامر. وتجنب أسلوب الضرب تمامًا في التربية.
- عدم مقارنته بغيره من إخواته أو أصحابه. ده ممكن يبقى من أهم أسباب عناده.
- وفوق كل ده، احتواء الطفل ومحاولة كسب ثقته. وتشجيعه على التفاهم بشكل بناء. ويعرف إنه بيعمل حاجة معينة لأنها الصح، ومش مجرد أمر مباشر من أهله.
