وصلنا بالسلامة لآخر الشهر، يعني المرتب نزل والكل هيتبسط. بس اوعى فرحتك بنزول القبض، تنسيك نصائح منظمة الصحة العالمية، للتعامل الآمن مع ماكينات الصراف الآلي "ATM" وانت بتسحب فلوسك. علشان تحمي نفسك من خطر الإصابة بفيروس كورونا. والنصايح هي:

1- ضروري تلبس جوانتي وكمامة قبل أي تعامل مع الـ ATM. وده لإن في أكتر من شخص قاموا بلمس الزراير قبلك.

2- خلي معاك إزازة كحول إيثيلي 70%، ورش على زراير المكنة قبل وبعد صرف فلوسك. علشان تتضمن قتل أي فيروسات موجودة عليها.

3- لازم يكون فيه مسافة آمنة بينك وبين الأشخاص في طابور الصرف، ماتقلش عن متر ونص. علشان تقلل فرص نقل بالعدوى.

4- بعد ما تخلص معاملتك المالية، ارمي الجوانتي والكمامة في سلة المهملات فورًا. ويُفضل تكون السلة مقفولة.

5- بمجرد رجوعك للبيت، اغسل هدومك اللي كنت لابسها برة البيت في الغسالة لوحدها. وانشرها في الشمس. كمان اغسل إيدك كويس بالمياه والصابون لمدة 20 ثانية.

6- مفيش مانع من تطهير وتعقيم الفلوس بعد استلامها. عن طريق مسحها بقطنة مغموسة في الكحول، أو باستخدام المكواة في درجة حرارة أعلى من 30 مئوية. لضمان نضافتها بعد تداولها بين أكتر من شخص.