فكرة إنك تشتري نظارة شمس لايقة على وشك مش سهلة. ده لإن كل وجه له ملامحه وتفاصيله، اللي بتفرض عليه شكل معين للنظارة. يعني اللي حلو على غيرك مش لازم يكون حلو عليك. عشان كده جمعنا لكم الشروط اللي لازم تاخد بالك منها وأنت بتشتري نظارة شمس.

- الوش المربع

صاحب الوش المربع بيمتلك عظام فك بارزة وقوية. تقريبًا بنفس عرض الجبهة. العدسات الدائرية هتكون أنسب حاجة له، او عدسات تصميم Aviator.

 

- الوش الدائري

أما الوش المدور بتكون الخدود فيه منفوخة وباينة، وزوايا الوش مش بارزة أوي. ده تناسبه العدسات المستطيلة. اللي هتبرز زوايا الوش وتخليه يبان أطول.

 

- الوش الطويل

الوش ده بيكون طوله أكبر من عرضه بشكل ملحوظ. الشكل ده يناسبه العداسات الدائرية، أو اللي مايزدش عرضه عن ارتفاعها إلا بدرجة صغيرة مش ملحوظة. وماتتعداش حدود الوش. دي هتخلي أبعاد تبان متناسبة. إنما العدسات المستطيل مثلًا هتخليه يبان أرفع.

 

- الوش المثلث

في الوش المثلث بتبان الذقن بشكل كبير، وبتكون واضحة مقارنة بالجبهة. الشكل ده يناسبة العدسات المستطيلة، ويُفضل الأحجام الصغيرة. أما لو في لحية ممكن يختار العدسات الكبيرة.