في وقت انتشار الأمراض الخطيرة، الكل بيلجأ لاتباع إرشادات الوقاية والسلامة الصحية. لكن طريقه استقبال الناس للوضع والتعامل معاه، بتختلف من شخص للتاني. وفيه ناس الموضوع بيتحول معاها لحالة هلع أو خوف مرضي. وده ممكن يخليهم ياخدوا إجراءات تضر بصحتهم. علشان كده هنقول لكم إزاي تتفادوا القلق النفسي من فيروس كرورنا، حسب ما نشر "الكونسلتو":

1- اتفادى الأماكن الزحمة، واغسل إيدك باستمرار.

2- ابعد شوية عن الأخبار المتعلقة بكورونا طول الوقت. واطلب المعلومات الضرورية من أهلك أو أصدقائك.

3- قلل طلب الدعم النفسي من القريبين منك كل شوية، لإن السلوك ده هيصيبك بالوسواس.

4- ابعد عن الأفكار السلبية، زي فقدان حد من الأهل بسبب الفيروس. خلي عندك تفاؤل، وافتكر إن فيه مصابين كتير تم شفائهم بالفعل.

5- مارس التمارين الرياضية في البيت، حتى لو كانت حاجات بسيطة.

6- خليك فاكر دايمًا إن الفترة دي مؤقتة وهتعدي. لإن الناس مرت بمواقف أشد من كده وعدت.