في الصيف طبيعي جدًا إن استخدامنا لأجهزة التكييف بيزيد، سواء في البيت أو في الشغل أو حتى في العربية. وفي الأيام الحر بنخفض درجة حرارة التكييف درجات كبيرة. وكمان بنفضل قاعدين في الأماكن المكيفة لوقت طويل، من غير ما ناخد بالنا إن ده خطر وليه أضرار، تعالوا نعرف هيا إيه:
صداع:
هتلاقي دايمًا اللي شغالين في أماكن فيها تكييف مركزي، بيتعرضوا للصداع أكثر من غيرهم، كمان بيكونوا أكثر عرضة للإصابة بالأنفلونزا.
جفاف البشرة:
التكيف بيمتص الرطوبة من الجو، وده بيخلي البشرة جافة.
مشاكل التنفس:
لو مش بتهتم بتنظيف التكييف أو المكان اللي موجود فيه من التراب، هواء التكيف هيسببلك حساسية وأمراض خاصة بالتنفس. ومشاكل الجيوب الأنفية.
مشاكل العينين:
الهواء الجاف بيأثر بشكل كبير على العينين، وبيسبب الحكة وبيهيج العين.
