_{في شرب الماء فوائد مالهاش آخر لصحتنا، ومعظم الناس عارفين أهميتها في حياتنا، لكن اللي كتير مش عارفينه إن شرب الماء له شروط علشان جسمنا يستفيد منها بأكبر قدر ممكن، وده بيودينا لسلوكيات معينة بنعملها بتضر صحتنا ومابتفيدناش وإحنا بنشرب المياه، تعالوا نعرفها.}

_{1- الإفراط في شرب الماء}

_{بحسب تقرير نشره موقع الكونسلتو ضروري متزدوش عن شرب 8 أكواب ماء يوميًا، لأن أكثر من كده هتسبب الشعور بالصداع وصعوبة التركيز وتشويش الرؤية، وممكن توصل لفقدان الوعي، نتيجة انخفاض مستويات الصوديوم في الجسم. ولو استمر الشخص في الإكثار من شرب الماء، وارد  يصاب بالتسمم المائي، وفي الحالة دي بيكون معرض لخطر للوفاة.}

_{2- شرب المياه مثلجة}

_{بسبب ارتفاع درجات الحرارة في فصل الصيف، ناس كتير بتلجأ لشرب الماء المثلج علشان تتغلب على سخونة الجو، وللأسف العادة دي ممكن تعرضهم للإصابة بحساسية الأسنان والصداع النصفي، بجانب تلف أعصاب المريء، اللي بيصاحبها صعوبة في بلع الأكل والشرب.}

_{3- عدم غسل زجاجات الماء}

_{عدم غسل زجاجة الماء قبل ملئها، بيخليها بيئة جاذبة للبكتيريا والطفليات اللي بتنتقل داخل الجسم أثناء الشرب، وده بيسبب الإصابة بالعدوى، وبتظهر أعراض مزعجة زي: آلام المعدة والإسهال والقيء.}

_{4- شرب مياه ساخنة على الريق}

_{شرب الماء الساخن على معدة فاضية، مابيساعدش على فقدان الوزن وحرق دهون الجسم زي ما هو معروف، بالعكس ده بيهدد الصحة العامة ببعض الأضرار، وبيؤدي لتخفيف تركيز العصارة الهضمية في المعدة، وبالتالي الإصابة بالإمساك والانتفاخ والغازات، بجانب حروق اللسان والحلق والمريء من السخونة.}