مشغوليات الحياة والتزماتها، ساعات بتلخبط يومنا، ومعاها بيتغير نظام نومنا ومواعيده، وكمان عدد ساعاته بتقل، لكن تعرف إن قلة النوم ليها أضرار كتير على حياتك؟ تعالوا نتعرف على نتائج أحدث دراسة علمية عن أضرار قلة النوم.

الدراسة الجديدة اعتبرت النوم المتلخبط أو "اضطرابات النوم " وباء عالمي، بيهدد صحة ملايين البشر حول العالم، وحذرت من الآثار السلبية المترتبة عليه.

وأكدت كمان، إن قلة النوم لفترات طويلة، بتأثر على الانتباه، وتعلم أشياء جديدة، والإبداع، وحل المشكلات، واتخاذ القرارات.

مش بس كده، ده في أمراض كتير ممكن يسببها النوم المتقطع، منها: ارتفاع ضغط الدم، ضعف ظائف المناعة، زيادة الوزن، انخفاض الرغبة الجنسية، تقلب المزاج، الاكتئاب، السكري، السكتة الدماغية، أمراض القلب، الخرف.

علشان كده، حددت الدراسة ساعات النوم اللي المفروض ننامها كل يوم، وهي 7 ساعات على الأقل، مع تجنب النظر لـ التلفزيون أو الموبيلات أو أي جهاز بيخرج منه ضوء، قبل النوم بساعة أو ساعتين.

7 طرق تساعدك على الرجوع للنوم لو صحيت في نص الليل

مش عارف تنام؟ 5 أكلات هتزودلك طبق الرز مع الملايكة

8 عادات يومية بتلخبط نومنا من غير ما نحس