مفيش شك إن "الشاور" في الصيف تاني أهم حاجه بعد كوبايه المياه المشبرة، مش بس علشان نحافظ على نظافتنا الشخصية وريحتنا تكون حلوة طول الوقت، كمان بيقلل التوتر والعصبية اللي بعض الناس بتحسها مع ارتفاع درجات الحرارة، لكن الخبراء بيقولوا إن عدد مرات الاستحمام في الصيف بتختلف مش شخص للتاني حسب سنه أو مرحلته العمرية، يلا نعرفها، حسب ما نشر موقع "الكونسلتو":

حديثي الولادة والرضع

أكدت الأكاديمية الأمريكية، إنه مش ضروري استحمامهم كل يوم، ونصحت بغسل أجسام الأطفال بالكامل، عند وصولهم لمرحلة الزحف أو تناول الطعام. وطبعًا ده ما يغنيش عند الاهتمام بنظافتهم بطرق ومنتجات الأطفال المعروفة.

الأطفال

يفضل استحمام الأطفال اللي أعمارهم بتتراوح ما بين 6 لـ 11 سنة، مرة كل كام أيام، مع المواظبة على العادة دي لحد مرحلة البلوغ.

الشباب

علشان هما أكثر فئة عمرية بتبذل مجهود بدني كبير بشكل يومي، الخبراء بينصحوهم بالاستحمام كل يوم، بجانب الاستحمام بعد ممارسة التمارين الرياضية.

كبار السن

من الأفضل لكبار السن الاستحمام من مرة لمرتين في الإسبوع، للحماية من العدوى والميكروبات، مع الاهتمام بتنظيف الجسم أول بأول.