بيتوافق عيد شم النسيم السنة دي مع أيام شهر رمضان، وطبعًا مع الصيام مش هينفع ناكل الأكلات اللي متعودين عليها زي "الرنجة والفسيخ"، لكن ده مايمنعش إننا نحتفل بس بطريقة مختلفة شوية، علشان ما نضرش صحتنا.

فتعالوا نقول لكم على بدائل صحية للأسماك المملحة ممكن ناكلها على الفطار أو السحور، هتعيشنا جو شم النسيم في رمضان:

من أفضل أنواع الأسماك وأعلاها في القيمة الغذائية، غني بالبروتين الخالي من الدهون، بجانب فيتامين "دي" و"بي"، ده غير الحديد والبوتاسيوم والكالسيوم. مش بس كده يعتبر من أكتر المأكولات البحرية الغنية بالأحماض الدهنية أوميجا "3".

علشان كده سمك السلمون ممكن يكون وجبة صحية مناسبة على الفطار.

معانا كده كده في السحور، بس اليومين دول ممكن نلونه بالطرق الطبيعية، وده هيعيشنا أجواء الربيع المبهجة، وهيمد جسمنا بالطاقة ويمنحنا الشعور بالشبع لفترات طويلة.

وجبة صحية خفيفة مناسبة للفطار والسحور، ممكن نعملها سلطة ونقطع معاها فلفل ألوان على السحور، أو نضيفها على المكرونة في وجبة الفطار.

من الأسماك المغذية جدًا، ممكن نحضره على الفطار بأكتر من طريقة صحية، منها المشوي بالطريقة المعروفة أو في صينية بالفرن من غير ما نضيف عليه زيوت.

الخس والجرجير والخيار والكابوتشي، كلها خضروات متعودين ناكلها في شم النسيم، ممكن نزودها على الفطار والسحور، وهتساعدنا كتير في تقليل الإحساس بالعطش والجوع خلال الصيام.