فكرة إنك تسيب سريرك وبطانيتك من أصعب الحاجات اللي معظم الناس بتواجهها في الشتاء، وبتسيطر علينا أكتر مع برودة الجو، اللي بيصاحبها كمان النوم لساعات طويلة، الخبراء اكتشفوا إن ده أمر طبيعي وبيحصل لناس كثير، نتيجة غياب الشمس وتأثيرها على الساعة الجسدية، وعلشان تتغلب على كل ده إحنا هنقولك على 7 نصائح هتخليك فايق، حسب ما نشر موقع "الكونسلتو":

1- حاول تتمشى بره البيت بالنهار، علشان تكون نشيط قدر الإمكان.

2- حدد وقت معين تصحى فيه من النوم كل يوم، وممكن تستعين بالمنبه في ده.

3- اتعرض لضوء الشمس على قد ماتقدر، علشان تمنع إفراز هرمون النوم بكثافة اللي بيتم إفرازه بالنهار.

4- ضروري تنام مش أقل من 8 ساعات كل يوم بالليل، وبكده تكون وصلت للنوم العميق وجسمك مش محتاج أكتر من كده.

5- بلاش تاكل أطعمة دسمة، لإنها بتسبب الخمول، واستبدالها بالأطعمة الصحية.

6- اتجنب المشاعر السيئة والتوتر، لإن كل ده بيدفعك للنوم ساعات طويلة.

7- اعمل أنشطة مختلفة طوال اليوم، وخليك نشيط واتحرك كتير.