بما إننا في أسقع أيام الشتاء، فأكيد لاحظتم بعد رجوعكم للبيت، إن الشارع كان أدفى، مع إن البيت مقفول وفيه كل وسائل التدفئة، الحقيقة إن الشعور ده بيحسه كتير من البشر غيركم، علشان كده الباحثين قرروا يحلوا اللغز ده، وبعد البحث والدراسة العميقة، وصلوا للنتيجة دي.

الشوارع دفى علشان:

- الناس في الشارع أكثر، الزحمة ونفس الناس لهم دور كبير في الإحساس بالدفء، بجانب إن المدن اللي فيها حركة وأنشطة صناعية وبشرية بتكون أدفى.

- المطاعم، والسيارات اللي موجودة في الشوارع، بتطلق أدخنة وعوادم، وده بيزود درجة حرارة الهواء الخارجي.

- قلة زراعة الأشجار، وبالتالي معدل التبخر وقلة الأكسجين وزيادة حرارة بيساهموا في ارتفاع درجة الحرارة.

- الأرض بتتعرض لزيادة نسبة الأشعة فوق البنفسجية، والأشعة دي بتتحول لطاقة حرارية، وبيتم خروجها بالليل، وده بيخلي الشارع دائما أدفئ من البيت.