وجود نباتات زينة في البيت مش بس بيديك منظر مبهج وجمالي مريح نفسيًا، لأ ده كمان له أهمية صحية. ده لإنها بتمتص الجزيئات الضارة من الهواء، وبتسحب ثاني أكسيد الكربون من الجو. وبتنتج مكانه أكسجين نقي.

النبتات دي بتحتاج عناية خاصة علشان ما تذبلش وتموت، وديه شوية نصايح من "كلام القاهرة" علشان تحافظ عليها:

1- ارويها بشكل مناسب، وخلي بالك علشان الماء الزيادة أو القليل في الري بيضر بالنبات. ولكل نوع نبات كمية ري مناسبة.

2- بلاش تحط سماد كتير، السماد الزيادة بيحرق الزرع.

 

3- اختار وعاء زرع أو "فازة" مناسبة تحط فيها النبات.

4- لازم يكون في الوعاء فتحات تصفية مناسبة، علشان تصريف الماء الزائد عن حاجة النبات.

5- مهم تغير التربة كل سنة أو سنتين.

6- لما تلاقي الماء بيمر بسرعة من وعاء النبات لوعاء التصفية، يبقى لازم تغير التربة.

7- لما تبقى لسه شاري نبات جديد، انقله من الوعاء اللي اشتريته به، لوعاء أكبر.

 

 

8- اطحن قشر البيض واستخدامه مع تربة النبات، لإنه هيساعد في تغذية الأوراق وازدهارها.

9- بلاش تنقل النبات من مكان للتاني كل شوية، حاول تثبته في مكان، لإن النباتات بتتكيف مع البيئة المحيطة بيها.

10- يُفضل اختيار مكان مش بتتغير فيه درجات الحرارة بشكل كبير.