أكيد سألت نفسك قبل كده، ليه حمامات الأماكن العامة أبوابها قصيرة ومابتوصلش للأرض. سواء في مولات، سينمات، جامعات، مستشفيات، أو غيرهم. الموضوع بيخليك دايمًا تحس، إن مفيش أي نوع من أنواع الخصوصية خالص. في الحقيقة الأمر مش صدفة خالص، وفي أسباب محددة إن الأبواب ماتلمسش الأرض. إحنا هنقولكم على الأسباب دي، حسب ما نشر "برايت سايد":

1- تقدر تعرف من خلاله لو في حد محتاج مساعدة طبية.

2- علشان تعرف إذا كان في حد جوة أو لأ.

3- بيساعد على التخلص من الروائح الكريهة جوة.

4- الأبواب الطويلة أو الكاملة بتكون أسعارها أغلى.

5- بيمنع الناس من السلوكيات المؤذية جوة الحمام. لإن الشخص لما بيلاقي إن في حد واقف برة ممكن يتراجع.

6- تقدر تخرج من الفتحة اللي تحت لو القفل علّق واتحبست.

7- من خلال الفراغ ده، تقدر تتطلب من الشخص اللي برة يديك ورق التواليت لو خلص معاك.

8- الناس هتقضي وقت أقل جوة الحمام، والطوابير تتحرك بسرعة.

9- بيسهل عملية تنظيف الأرضية.

10- لو ماسورة مياه اتكسرت، المياه مش هتتجمع جوة الحمام وتغرقه.

 دلوقتي ممكن تقوم علشان تتأكد بنفسك، إذا كان باب حمام المكان اللي انت موجود فيه قصير أو لأ.