60% من جسم الإنسان بيتكون من المياه. ويُفضل دايمًا إننا نحافظ على شرب حوالي 2 لتر من المياه يوميًا. والموضوع مش مجرد كلام، لأن شرب المياه باستمرار له 6 فوايد صحية مهمة، مبنية على أسس علمية، نشرها موقع "healthline". تعاولوا نعرفهم:
1- تحسين الأداء
هتعاني بشكل كبير من ضعف النشاط والأداء الجسماني عمومًا، لو نسبة السوائل في جسمك قليلة. ده بيبان أكتر خلال التمرينات أو التعرض للحرارة العالية. الجفاف بيكون له أثر ملحوظ على نشاط الجسم. التحفيز بيقل والتعب بيزيد، ده بيخلي تمرين أو مجهود أصعب جسديًا وعقليًا.
2- زيادة الطاقة وتحسين وظائف الدماغ
معدل الرطوبة في الجسم، بيأثر بشكل مباشر وقوي على وظائف الدماغ. والدراسات أثبتت إن أقل نسبة جفاف، بيكون لها تأثير على المخ. التأثير ده بيظهر في المزاج المتقلب وقلة التركيز، بالإضافة للشعور بالقلق والتعب. الأضرار دي بتختلف شدتها بين الأطفال وكبار السن، وبتوصل أحيانًا لضعف الذاكرة.
3- منع أو علاج الصداع
بعض الأبحاث أثببت إن الصداع من أهم أعراض الجفاف. شرب المياه بانتظام بيساعد في تخفيف الصداع، للأشخاص اللي بيعانوا من الصداع المتكرر. وبيقلل كمان أعراض الصداع النصفي.
4- بيساعد في علاج الإمساك
زيادة استهلاك السوائل دايمًا بيكون جزء من بروتوكول علاج حالات الإمساك. وقلة شرب المياه من أهم مسببات الإمساك عند الكبار والأطفال. المياه المعدنية بتكون مفيدة أكتر، لإنها غنية بالمغنيسيوم والصوديوم. اللي بيساهموا في تحسين حركة الأمعاء عند الأشخاص المصابين بالإمساك.
5- بيعالج حصوات الكلى
الحصوات البولية عبارة عن كتل مؤلمة من الكريستال المعدني، بتتكون في الجهاز البولي. أكتر أشكال حصوة الكلى انتشارًا. بعض الأدلة المحدودة بتشير إن شرب المياه، بيمنع تكرارها عند الأشخاص اللي سبق أصيبوا بها. كمان الإكثار من شرب السوائل بيزود حجم البول اللي بيمر عبر الكلى. بالتالي بيخف تركيز المعادن، وبتقل احتمالية تبلورها وتشكيل كتل.
6- خسارة الوزن الزايد
شرب المياه بيساعد بشكل كبير في فقدان الوزن، لأنه بيزود الإحساس بالشبع وبيعلي معدل الحرق. التوقيت مهم جدًا، شرب المياه قبل الأكل بنص ساعة، بيكون مؤثر بشكل كبير. لأنه هيزود إحساس الشبع، وبالتالي هتاكل سعرات أقل.
