العزل الصحي في البيت هو الإجراء الوقائي المُتبع حاليًا، للحد من انتشار فيروس كورونا. لكن وارد جدًا الإصابة بأعراض الحمى الخفيفة، زي ارتفاع درجة الحرارة بشكل بسيط، أو الرشح. وطبعًا المصاب بيحتاج عناية خاصة في البيت. علشان كده هنقول لكم على خطوات التعامل مريض الحمى، حسب ما نشر "الوطن":

1- عزل المريض في غرفة جيدة التهوية لوحده.

2- تحديد أشخاص معينة لتقديم الرعاية الصحية له، وعدم السماح لأي حد تاني بالاختلاط معاه.

3- يُفضل كل فرد في الأسرة يكون له غرفة خاصة. لكن لو ده مش متاح، يبقى نسيب مسافة متر على الأقل، بين أي فرد والتاني.

4- تقليل نشاط المريض جوة البيت، لتقليل الاختلاط بينه وبين الأهل. ونتأكد إن الأماكن المشتركة زي المطبخ والحمام، جيدة التهوية.

5- لازم المريض واللي بيقدمله الرعاية الطبية، يلبسوا كمامات. تكون محكمه على الوش كويس، وممنوع لمسها. وبمجرد تعرضها للتلوث من سعال وإفرازات الجهاز التنفسي للمريض، يتم التخلص منها واستبدالها بواحدة جديدة. 

6- غسل الإيد بالمياه والصابون وتعقميها كويس، بعد أي اتصال مباشر مع المريض.