علشان كده هنقولكم على نصائح هتخلصكم من الشعور بالخمول والرغبة في النوم خلال ساعات العمل:

 

 

المشروبات اللي بتحتوي على الكافيين زي الشاي والقهوة والنسكافيه، بتزود نشاط الدماغ والجهاز العصبي، وبالتالي القدرة على التفكير والأداء العقلي بتكون أحسن، بس يفضل مانكترش منها. قوم اعمل ماج نسكافيه السعادة وورينا إبداعك.

 

 

عارفين إنك نظيف وغسلت وشك الصبح قبل ما تنزل الشغل، لكن معلش تعالى على نفسك واغسل وشك تاني بشوية مياه باردة، هتحس بعدها إنك فريش ومصحصح كده، وأكيد مديرك مش محتاج منك أكتر من كده.

 

 

لما قالوا "الحركة بركة" ماكانوش بيهبدوا، بالعكس، كل ما تحس إنك كسلت كده وهتموت وتغفل شوية، قوم من مكانك على طول، ممكن كمان تعمل تمارين بسيطة، بكده هتنشط الدورة الدموية في جسمك وهتحس إنك فوقت.

 

 

زميلك اللي كل ماتشوفه تلاقيه بيجمع أوردرات أكل ده، ابعد عنه لإنه مش بس هتتخن بسببه، أنت كمان هتحس بعد ما تطلب معاه وجبة سريعة من إياهم، إنك يدوبك تنام وتحلم، والأحسن تاخد معاك سناكس صحية زي المكسرات أو الفواكه والخضروات ومفيش مانع من البروتين.

 

 

مافيش أجمل من الشمس علشان تخليك مركز ومنتبه طول الوقت، حاول تقعد في مكان الشمس بتدخله، وأهي فرصة برضه تاخد كام صورة سيلفي من اللي بنشوفها على إنستجرام ومتنساش هاشتاج "Worktime".