كتير مننا بيربوا حيوانات أليفة في بيتهم بهدف الزينة والتسلية، أو اللعب في وقت الفراغ. بس مؤخرًا العلم أثبت فوائد علاجية لوجود الحيوانات معانا، خصوصًا القطط. وحسب ما نشر "الوطن" الفوائد دي هي:
- القطط بتفرز هرومون "الأوكسيتوسين"، ده هرمون بيزود مشاعر الحب والثقة. يعني لو حاسس بحزن مش مفهوم وكآبة بتزورك من وقت للتاني، القطط هتساعدك كتير.
- الأطفال اللي بيعانوا من مرض التوحد والعزلة الاجتماعية، وجود قطة معاهم لوقت كبير بيساعدهم على التخلص من الأعراض دي، حسب موقع.
- علماء في معهد "مايو كلينك" أكدوا، إن 41 % من الناس اللي عندهم قطة في البيت، بيناموا كويس عن غيرهم.
- اللعب مع القطط بانتظام بيقلل التوتر وبيخفف الضغوط. مش بس كده، امتلاك قطة بيقلل الإصابة بأمراض القلب بنسبة 31%، عن الناس اللي معندهاش قطة.
- شعر القطط اللي غالبًا بيقع في كل حتة ومغرق هدومنا، بيقلل من خطر أمراض الحساسية والربو.
- معظم اللي مربيين قطط عارفين إنها بتصدر صوت معين، العلماء بيقولوا أنه من أكثر الأصوات المريحة في العالم. وله تأثير إيجابي على المفاصل.
