من فترة مش قليلة لجأ كتير من المدخنين لاستخدام الفيب "Vape"، كبديل للسجائر. ده كان بدافع التقليل من التدخين على أساس إنها أقل خطورة. وفي اللي بيستخدمها من باب التريند. لكن المشكلة في الحالتين إن الفيب ماتقلش خطورة عن السجائر، ولها أضرار كتيرة. وفي دراسات طبية كتير حذرت من استخدامها، ووضحت اضرارها:
- رغم إن الفيب فيها نسبة قليلة من النيكوتين، إلا إن السوائل الموجودة فيها سامة جدًا. ممكن تتسرب للفم وبلعها خطر على أجهزة الجسم الداخلية.
- نكهات الفيب بتحفز تسمم خلايا الجسم، وتزيد من التهابات الأنسجة وتلفها.
- أكد الباحثين إن خلط أكثر من نكهة بيزود مستويات السمية في الخلايا، مقارنة باستخدام النوع الواحد.
- السجائر الإلكترونية كمان مصنعة من مادة اسمها "البروبيلين". ورغم اعتبارها خفيفة السمية، إلا إن تركيزها لو زاد عن 1 جرام لكل لتر، بتكون غير صالحة للاستخدام الآدمي.
- التعرض المستمر لدخان الفيب الكثيف بيعطل وظائف الرئة، وبيؤدي لتلفها مع الوقت.
- بعض السيدات بيتخدموها كبديل خلال فترة الحمل، ولكن الدراسات بتقول إنها بتقلل الخصوبة عندهم. وبتقلل فرص الحمل عند البنات.
