بنمر حاليَا بحالة تغير في الفصول، وطبعًا كلنا ملاحظين ارتفاع درجة حرارة الجو بعد برودة نسبية، وحسب كلام "الأرصاد" إن دي موجة حارة والجو هيرجع يبرد تاني، ومن هنا فرص الإصابة بالبرد أو الإنفلونزا هتزيد، خاصة مع تخفيف الملابس. علشان كده قولنا نقول لكم على 5 نصائح هتجنبكم الإصابة بنزلات البرد، وهي:

1 - اشرب مياه كتير

ضروري جسمك يكون رطب، وده اللي بيحققه شرب المياه مش أي سوائل تانية، خلي دايمًا جنبك زجاجة مياه، لإن شرب المياه بيطرد كل السموم من الجسم وبيحافظ عى صحتك ومناعتك من الأمراض.

2 - كل أكل صحي

الاهتمام بالأكل الصحي مش رفاهية، لكنه بيحافظ على نشاط الجسم وكفاءته، ويا سلام لو اهتميت بالأطعمة الي لها فوائد علاجية زي: العسل والكركم، ودول ممكن تضيفهم على اللبن أو المياه.

3 - زود التوابل

بتقلل البهارات الالتهابات اللي بيسببها البرد والسعال، علشان كده يُنصح بإضافتها للأكل، زي: الكركم والزنجبيل والثوم والقرفة والقرنفل والفلفل، وده هيحميك من الإصابة بنزلات البرد بأنواعها.

4 - ريح جسمك

إرهاق الجسم خلال اليوم، بيخليه أكثر عرضه للإصابة بالأمراض، ضروري نحصل على عدد ساعات نوم كافي بالليل، وبكده مش هيكون فيه أي فرصة للإصابة بالأمراض.