أعواد القطن دايمًا بيتم استخدامها لتنظيف الأذن، رغم إن أطباء كتير بينصحوا بالابتعاد عنها. لكن الموضوع ماوقفش لحد كده، وبدأت الناس تستخدمها في حاجات تانية مختلفة. تعالوا نتعرف على استخدمات "الودانة"، غير تنظيف الأذن: 

1- مزيل مكياج

بيتم غمس عود القطن في مزيل المكياج، لإزالة كحل العين أو بقايا الماسكارا بسهولة. كمان ممكن استخدام الأعواد القطنية في إزالة الزوائد، اللي بتتراكم في طرفي العينين.

2- طلاء الأظافر

أعواد القطن ممكن تستخدم في رسم أشكال ورسومات على الأظافر باستخدام "المانيكير"، كمان بترسم حنة على الجسم بسهولة ودقة.

3- تكثيف الرموش

خبراء التجميل بينصحوا النساء باستخدام الأعواد القطنية، لو حابين بيتقلوا رموشهم. والميزة دي مش موجودة في الماسكارا.

4- علاج الجروح

ممكن الأعواد تُستخدم في وضع الأدوية السائلة على الجروح. وبتكون مثالية جدًا للناس اللي بتعاني من حب الشباب والبثور.

5- بتخبي العلامات السوداء

الأعواد بتساعد في إخفاء العلامات السوداء على الوجه، خاصة حول العين. ده عن طريق غمرها في مرهم مبيض، اللي هيخلي عملية الإخفاء دقيقة. وده مهم لإن منطقة العين حساسة وبتحتاج معاملة خاصة.