زي ما بنحمي نفسنا بالحجر المنزلي من فيروس كورونا، لازم نهتم بصحتنا وإحنا جوة البيت. وده من خلال تعقيم كل حاجة بنستخدمها، سواء الأسطح أو الملابس أو غيرهم. خاصة إن الفيروس بيقدر يستقر على الملابس لمدة 24 ساعة، وعلى الأسطح الصلبة زي: الزجاج والبلاستيك والفولاذ، لمدة تصل لـ 3 أيام.

ودي أهم نصايح وزارة الصحة والسكان لتعقيم وتطهير البيت:

1- استعمل الكلور المخفف بمياه. ضيف على كل لتر مياه، مقدار فنجان قهوة من الكلور.

2- امسح كل الأسطح الصلبة زي الترابيزات، الكراسي، مقابض الأبواب، مفاتيح الإضاءة، الريموت، الكمبيوتر.. وأي سطح ممكن تستعمله.

3- خلال التطهير البس جوانتي من اللي بيستعمل مرة واحدة، واتخلص منه بعد التطهير فورًا.

4- لو كانت الأسطح عليها تراب، لازم تتنضف الأول بالمياه والصابون قبل التطهير.

5- غسل الملابس والفوط ومفارش السرير، في درجة حرارة عالية. ويُفضل عدم نفض الملابس غير النظيفة إن أمكن. وتقدروا تعرفوا طريقة تعقيم الملابس من كورونا من هنا.