كتير مننا بعد ما يصحصح بفنجان القهوة المظبوط، بيرمي التفل على أساس أنه مش مهم. بس من النهارده فكر تاني قبل ما ترميه، لإن في دراسة طبية أثبتت إن له فوائد كبيرة، تعالوا نعرف هي أيه:
- لو عملت تدليك لجسمك بتفل القهوة، هينشط الدورة الدموية في جسمك بشكل كبير. وده هيخلي صحتك أحسن كتير.
- فرك فروة الشعر بالقهوة بينظف المسام، وبيحفز نمو الشعر ويحسن من صحته.
- خلط القهوة مع شوية مياه دافية بيقلل السلوليت. بتدليك المنطقة اللي في جسمك فيها خطوط السلوليت سواء البيضاء أو الحمراء، لمدة 10 دقايق مرتين في الأسبوع.
- تفل القهوة بيشيل الجلد الميت من البشرة. وممكن أي بنت تستعمله كاسكراب عشان تجدد بشرتها كل كام يوم.
- لو بتصحى من النوم تحت عينك منتفخ، حط شوية تفل قبل النوم وأول ما تصحى. الانتفاخ هيقل مع الوقت.
- أحيانًا التلاجة بيكون فيها روائح نفاذة، ممكن تحط شوية تفل قهوة بعد ما تشربها في علبة صغيرة مفتوحة، وتسيبها في باب التلاجة. الريحة هتقل كتير.
