التراب والدخان بيخلوا دايمًا العربية مش نظيفة، وأكيد مش كل يوم هنوديها المغسلة. علشان كده بنقدم لك 6 نصائح علشان تغسل عربيتك وتحافظ عليها، بأقل وقت ومجهود. وتوفر في الفلوس كمان:
1- استخدم إسفنجة مع معجون أسنان علشان تنظف كشافات العربية الأمامية والخلفية.
2- لو فيه بقع في الجلد، استخدم الخل والليمون والصابون السائل والصودا. هيشيلوها تمامًا.
3- نظف الشقوق الموجودة في العربية زي فتحات التكييف وغيرها، بملمع معطر. علشان بتسبب روائح كريهة.
4- لو بيكون معاك حيوانات أليفة، استخدم ممسحة لتجميع الشعر من جوة العربية.
5- استخدم منظف مناسب مع قماش ناعم علشان تغسل جسم العربية. ولو فيه أوساخ استخدم الكحول.
6- متنساش ترش معطر بعد ما تخلص نظافة. وياريت يكون طبيعي علشان ميأثرش عليك لما تكون سائق ويتعب صدرك.
