الشتا خلاص دخل علينا، والجو بقى برد وتكتكة. وطبعًا في الشتا بنستخدم المياه الساخنة طول الوقت. خاصة لو بناخد شاور. لكن مع الوقت بنلاقي جلدنا بيتعرض للجفاف. وبتظهر عليه أعراض تانية زي الاحمرار والحكة. علشان كده هنقول لكم على أهم الطرق اللي تحموا بيها الجلد من الجفاف في الشتا، حسب ما نشرها موقع "الأهرام":

1- تقليل استخدام المياه الساخنة أكتر من اللازم، وتقليل وقت الاستحمام. لأن المياه الساخنة بتخلي الجسم يفقد زيوته الطبيعية، اللي بتحميه من الجفاف.

2- بعد الشاور الدافي، مهم جدًا ترطيب الجسم كله بكريم مرطب مناسب لنوع بشرتك.

3- ترطيب الشفايف، لإنها أكتر جزء بيتعرض للجفاف والتشقق في الشتا.

4- شرب 2 لتر مياه على الأقل يوميًا.

5- مهم جدًا لبس قفازات في حالة استخدام المنظفات في تنظيف البيت.

6- ضروري نلبس أقمشة قطنية قبل الصوف، علشان نحمي الجلد من الحساسية أو الالتهاب.

7- تناول الأطعمة الغنية بالأوميجا 3 يوميًا، لإنها بترطب الجلد بشكل كبير.

8- استخدام صابون خالي من العطور والروائح النفاذة، خصوصًا لأصحاب البشرة الحساسة.