الأكل سوري هو المفضل عند ناس كتير، وده بيرجع لأنواعه وأصنافه الكتيرة واللذيذة. ده غير للناس اللي بتحب تجرب أكلات جديدة، وعايزة تعرف عادات شعوب تانية في أكلها. عشان كده هناخدكوا في جولة لمطاعم بتقدم أكل سوري حلو وخفيف:
1- بركات الحلبي
بيتميز بشاورما الفراخ، وعنده الوجبة حجمها دوبل. هتستمتع وانت بتاكلها مع البطاطس المحمرة، المتغرقة بخلطة مش هتلاقيها غير عندهم.
عناونين الفروع من هنا.
2- روستو
من أشهر محلات الأكل السوري في مصر وسوريا كمان. المطعم عنده تشكيلة كبيرة من الأكلات، يعني هتحتار تأكل إيه ولا إيه وأنت بتدور في المينيو. كمان عنده حلويات شامية عشان تحلي بعد الأكل.
عناوين الفروع من هنا.
3- أبو مازن
بيعمل أحسن كبة سوري. كمان عنده وجبات مميزة هتلاقيها مليانه فراخ - سمبوسك - صوابع كفتة، في وجبة واحدة. هتشبع يعني هتشبع.
عناوين الفروع من هنا.
4- أنس الدمشقي
ملك الشاورما، بيتميز إنه بيعمل مناقيش غير. يعني الصبح خدلك ترويقة من تشكيلة مناقيش الزعتر والسبانخ وجبنة حلوم والجبنة الشامية والكيري واللبنة، مع كوباية شاي.
عناوين الفروع من هنا
5- أبو عمار السوري
أحلى فطاير وبيتزا تاكلها من أبو عمار. الجميل إنه بيعمل أكلة مصرية عتيقة وهي شوربة وفتة الكوراع. كمان من أحسن المطاعم السورية اللي بتقدم "الشيخ محشي"، ودي كوسة باللحم وزبادي مطبوخ. موجود في المهندسين وهليوبوليس.
