مشروب يمكن مهدور حقه في الدعايا والإعلانات، وأماكن بيعه محدودة رغم انتشارها في شوارع المحروسة، لكن حلاوته في خصوصيته، محلات عصير القصب بديكوراتها بصوت يس التهامي في الخلفية، لقطع البلاستيك الملونة لشراء مشروب البهجة بياخدوك لعالم تاني بسيط ومبهج. وعلشان إحنا عارفين إنك قاعد دلوقتي عطشان، ونفسك في كوباية عصير قصب مشبرة، تعالى نقولك على فوائده:

1- بيحسين عملية الهضم، وبيقضي على الإمساك، ويعتبر ملين جيد، لاحتوائه على ألياف طبيعية ونسبة بوتاسيوم كبيرة جدًا.

2-بيمنح الجسم طاقة وحيوية ونشاط، لإنه بيحتوي على نسبة عالية من السكريات الطبيعية.

3- شرب كوباية عصير قصب، كفيلة ترطب جسمك وتقضي على الشعور بالعطش وتقلل درجة حرارة الجسم.

4-بيحسن وظائف الكلى، لإنه يعتبر مدر للبول.       .

5- بيساعد على تخفيف الألم، بجانب دوره في تخفيف حدة ألام الدورة الشهرية للسيدات.