شرب مياه بزيادة على السحور، من الحاجات اللي بنتمسك بيها قبل ما نسمع صوت أذان الفجر، معتقدين إن كل ما شربنا مياه كتير كل ما إحساسنا بالعطش هيقل وإحنا صايمين، لكن العادة دي للأسف مش مفيدة ومش صحية كمان.

علشان ببساطة، الجسم مايقدرش يخزن كميات كبيرة من المياه في حالة تناولها دفعة واحدة في وقت قصير، وبالتالي بياخد حاجته بس وبيتخلص من باقي المياه اللي حصل عليها.

بجانب ده، خبراء التغذية اكتشفوا إن شرب المياه الكتير على وجبة السحور بتسبب مشاكل صحية كتير، منها: عدم قدرة الجسم علي امتصاص العناصر الغذائية الموجودة في الطعام، عسر هضم، انتفاخ، إمساك.

وأكد الخبراء، إن الجسم علشان يستفيد من المياه خلال شهر رمضان، لازم نقسم كميات المياه اللي بنشربها في الفترة اللي بين الفطار والسحور، وضروري ناخد كفايتنا من المياه، ويفضل تكون 10 كوبايات على الأقل علشان مايحصلش جفاف خلال فترة الصيام.

ليه ضروري نوقف الفطار على مياه ساقعة في رمضان؟