العيد خلاص بيخبط على الأبواب، وصواني الكحك والبيتي فور بدأت تطلع. وطبعًا إحنا متعودين زي كل عيد، بيكون الكحك والبسكويت والذي منه أكلات مقدسة. وكنا بناكلها طول والوقت. لكن العيد ده مختلف لأننا هنقضيه في البيت. وبالتالي لازم ناخد بالنا من كميات الحلويات اللي هناكلها. ده علشان نحافظ على وزننا، وكمان نحمي صحتنا.

ودي أهم النصايح لأكل كحك العيد بطريقة آمنة:

1- عدم تناول حلويات العيد في الفطار بكمية كبير، لأن المعدة اتعودت على الصيام أكتر من 16 ساعة في رمضان. والإفراط في الأكل هيسبب عسر هضم وألم بالمعدة.

2- أكل حلويات العيد من باب التذوق والاستمتاع، مش كوجبة أساسية وقت الجوع. 

3- تناول 3 قطع بالكتير من الحلويات على مدار اليوم.

4- احرص على أداء التمارين الرياضية خلال أيام العيد، علشان تحرق السعرات الحرارية المكتسبة من الحلويات.

5- شرب كميات كبيرة من المياه مهم جدًا على مدار اليوم، لإنها بترفع معدل الحرق في الجسم وبتقلل الشعور بالجوع.

6- اهتم بتناول الأطعمة الغنية بالألياف زي: الجزر- الخيار- الخس. لأنها بتساعد على إبطاء امتصاص السكر والدهون بالجسم.

وعلشان تأمن نفسك أكتر، اعرف كل السعرات الحرارية في أنواع الحلويات من هنا. وكل عيد وانتم طيبين.