في الصيف والحر الواحد بيكون محتاج حاجة ترتطب عليه، وطبعًا مفيش زي البطيخ وحلاوته. فلو قررت تنزل تشتري بطيخة، لازم تعرف إزاي تفرق بين البطيخة الحمرا والقرعة، من غير ما تفتحها بالسكينة. تعالى نقولك:

1- البقعة الفاتحة

أغلب البطيخ بيكون عليه بقعة فاتحة مايلة للصفار. وده نتيجة ثباتها على الأرض لفترة طويلة. كل ما كان اللون الأصفر ده أغمق، كل ما كانت مستوية أكتر.

2- تجريح بلون بني

أحيانًا بيكون على البطيخ تجريح بلون بني. ده بسبب لمس النحل لزهرة البطيخ، لما بيسيب حبوب اللقاح عليها. وده بيخليها مسكرة أكتر.

3- لون الذيل

البطيخة من تحت بيكون فيها ذيل صغير. اختار اللي لونه غامق. لأن الأخضر معناه إنها ماستوتش.

4- الحجم

اختار دايمًا الوسط. بلاش الكبيرة أو الصغيرة.

5- الشكل

البطيخ بيكون شكله إما طويل، وده بيكون فيه مياه أكتر. أو دائري، وده بيكون مسكر أكتر.

6- التخبيط

كالعادة كلنا عارفين لازم نخبط على البطيخة. كل ما كان الصوت مكتوم، كل ما كانت مستوية وحلوة. لو رنت تبقى قرعة.