الفيتانمينات والمعادن ضروريين لجسم الإنسان، للحفاظ على الصحة والوقاية من الأمراض. في السطور اللي جاية هنقول لك على المعادن الرئيسية اللي محتاجها الجسم، والأطعمة اللي بتحتوي عليها:

المعادن الرئيسية هي: الكالسيوم، المغنيسيوم، الفوسفور، البوتاسيوم، الصوديوم، الكلوريد. دي المعادن اللي جسمك بيحتاج أكثر من 100 مللي جرام في اليوم منها. ده غير معادن تانية ثانوية، جسمك بيحتاج منها نسبة أقل.

تعالى بقى نتعرف على أهمية بعض المعادن، ومصادرها الغذائية:

الكالسيوم

ضروري للعظام والأسنان، وله دور مهم في تقوية الجهاز المناعي للجسم. نقصه بيسبب هشاشة العظام. وموجود في:

- الألبان ومنتجاتها.

- المكسرات ومنها اللوز والبندق.

- القرنبيط، اللفت، البامية، السبانخ، الجرجير.

- المشمش المجفف والتين.

- الماكريل، المحار، السلمون، السردين.

- البقوليات وبذور السمسم.

الحديد

جسمك بيحتاج حديد علشان يحافظ على صحة الدم والعضلات. ومهم جدًا لإنتاج خلايا الدم الحمراء في الجسم وفي أنشطة الجهاز المناعي. ونقصه بيسبب فقر الدم. وموجود في:

- المشمش، التين، الخوخ، الزبيب.

- الفاصوليا والعدس.

- القرنبيط، اللفت، البازلاء، الكرنب، السبانخ، الجرجير.

- البيض.

- اللحوم الحمراء الخالية من الدهن أو الدواجن أو الكبد أو الكلى.

- الماكريل والمحار والسردين والتونة.

- المكسرات.

- الحبوب الكاملة وخبز الحبوب الكاملة.

المغنيسيوم

عنصر مهم جدًا في تنظيم مستويات البوتاسيوم والصوديوم في الجسم، اللي بيشاركوا بدورهم في السيطرة على ضغط الدم. ويعتبر كمان أحد المعادن المهمة في إطلاق الطاقة، علشان الجسم يقدر يبني عظام قوية وأسنان وعضلات. وبينظم درجة حرارة الجسم. وموجود في:

- المشمش والموز والتين والخوخ والزبيب

- رز بنى، المكسرات، البقوليات.

- الكوسة والخضروات الورقية والبامية والبازلاء والذرة الحلوة.

- الحليب والزبادي.

البوتاسيوم

بينظم مستويات المياه في الجسم. ومهم كمان في نقل الإشارات العصبية ونبضات القلب ووظيفة العضلات.

البوتاسيوم موجود في معظم الأطعمة، باستثناء الزيوت والدهون والسكريات. لكن في حالة إنك سويت الأكل على النار أكتر من اللازم، ممكن يضيع البوتاسيوم منه.

معظم الفواكه والخضروات بتحتوي على البوتاسيوم زي: الموز - الفراولة - عصير البرتقال الطازج - المشمش - الخوخ - البطاطس - الخضروات الورقية - اللوز - الشعير - الأرز البني - الحمص - الذرة - الثوم - الزنجبيل - الفاصوليا.