مجموعة من الدراسات العلمية اللي ظهرت مؤخرًا، قالت إن الوجبات الغذائية اللي بتحتوي على الموز أوالحمص أوالفول السوداني بشكل أساسي، بتفيد بكتيريا الأمعاء عند الأطفال اللي بيعانوا من سوء التغذية، واللي ليها دور مهم في عملية النمو السليم.

واحدة من الدراسات كانت دراسة أمريكية، نشرتها دورية علمية اسمها "ساينس جورنال" قالت فيها إن الأطعمة دي تحديدًا، عندها قدرة عالية على تنشيط الميكروبات الصحية في الجسم، واللي بتساعد في نمو العظم والدماغ والجسم، وبالذات عند الاطفال، وده لإنهم أكتر الفئات عرضة لـ "سوء التغذية".