لو وزنك زايد فانت أكيد عايز تخس وتقلل الدهون في جسمك. وطبعًا جربت دكتور التغذية والموضوع مانفعش، وجربت تعمل المستحيل وتروح الجيم، بس ماحصلش نصيب. بس هل ده معناه إنك تفقد الأمل؟ طبعًا لأ. علشان في السطور اللي جاية هنقول لك على أطعمة معينة، أثبتت الدراسات إن ريحتها بس، بتساعد على حرق السعرات، حسب ما نشر "الوطن". يعني لا دكتور ولا جيم، هتخس وانت في بيتك زي الباشا. يلا بينا نعرفهم:
الثوم
كشفت واحدة من الدراسات، إن ريحة الثوم لها تأثير قوي على المراكز العصبية في الدماغ. بتخليك تستهلك كميات أقل من الأكل. ده غير إن شوية فلفل أحمر على الأكلة جنب الثوم، بيزود إحساس الشبع.
التفاح الأخضر والموز
نتيجة الدراسة في مؤسسة أبحاث وعلاج الرائحة والتذوق، أثبتت إن الأشخاص اللي بيعانوا من زيادة الوزن، لو شموا ريحة التفاح الأخضر والموز عند الجوع، وزنهم بيقل بنسبة أكتر من غيرهم.
زيت الزيتون البكر
ريحة الزيتون البكر بتدي إحساس بالشبع. لأنه مشبع بالدهون الصحية، اللي بتساعد على حرق دهون البطن.
الجريب فروت
فيتماين "ج" الموجود في الجريب فروت، بيخليه من أهم الفواكهة في أنظمة الدايت. وكمان استنشاقه لمدة ثواني قليلة قبل أكله، بيساهم في تقليل الوزن بشكل واضح.
الشمر
مقلل للشهية، لو تناولته كمشروب مع كوباية مياه باردة بين الوجبات.
مين هيشم الأكل ويخس ناو؟
