لو كنت مش "كييف" قهوة، وبتشرب لك فنجان كل فين وفين، فإحتمال تغير رأيك، وتبدأ تشربها بانتظام، بعد ما تتعرف على دراسة جديدة بتقول إن تناول فنجان قهوة كل يوم، بيقلل فرص التعرض لاضطراب ضربات القلب.

الباحثين اكتشفوا إن خطر الإصابة باضطراب ضربات القلب ممكن يقل بنسبة 3%، مع كل فنجان قهوة بيشربه الشخص خلال اليوم.

بالإضافة لده، الدراسة أكدت كمان إن في ارتباط كبير بين زيادة كمية تناول القهوة اللي بنشربها في اليوم، وبين انخفاض الإصابة بعدم انتظام ضربات القلب، الأمر اللي بينفي التحذيرات المعروفة واللي بتنصح بعدم تناول الكافيين علشان نتجنب الإصابة بالاضرابات دي.

في 7 اختلافات جينية بتأثر على استقبال الكافيين بالجسم، الباحثين أكداوا إنها في النهاية مبتأثرش على دور الكافيين الموجود في القهوة، وتأثيره على اضطراب ضربات القلب.