عيد أضحى سعيد يا مصريين، وطبعًا المناسبة دي ماتنفعش تعدي كده من غير ما ناكل لحمة وننبسط، ما هو عيد اللحمة برضه! وسواء كنا هناكل بقري أو ضاني، ضروري نبعد عن أكلات معينة في وجود اللحمة، لإن الجسم مش هيستفيد منها.

وده حسب موقع "الكونسلتو"، اللي كشف إن الكالسيوم الموجود في منتجات الألبان بأنواعها، بيمنع امتصاص الجسم الحديد الموجود في اللحم بمعدل من 50 لـ 60%، علشان كده ضروري مناكلش لحمة مع ألبان في نفس الوجبة، وأكثر فئة معرضة لده هم: الأطفال والنساء الحوامل والأشخاص اللي عندهم من فقر الدم.

بالإضافة لده، ينصح بتناول اللحوم مع العصائر الحمضية "البرتقال- الليمون" أو المياه، ونبعد خالص عن شرب الشاي والقهوة بعد تناول اللحوم، لإن مركب "البوليفينول" الموجود في المشروبات دي بيقلل كمان امتصاص الحديد.

الأطباء كمان بيقولوا إن عملية هضم اللحوم بتكون صعبة إذا أكلنا معاها أطعمة نشوية، زي: " العيش- المكرونة- البطاطس- الذرة"، وإن أفضل طريقة لتناول اللحوم بتكون مع الخضروات والأعشاب.

ودي موضوعات هتفيدكم في عيد الأضحى:

إزاي تختار الأضحية في زمن كورونا

علشان تاكل وانت مبسوط.. 6 طرق لحرق دهون لحمة العيد

لو بتحضر لعزومة العيد.. اعرف أضرار الشوي على الفحم وإزاي تتجنبها

وكل عيد أضحى وأنتم سعداء ومبسوطين