الصيف ميحلاش من غير بطيخ، من الفواكه المبهجة اللي لما تشوفها تحس بالطراوة، ما بالك بقى لما تاكلها. خصوصًا بقى لو حمرا ومعسلة. وكنا قبل كده وضحنا إزاي تفرق بين البطيخة الحمرا والقرعة. البطيخ كمان فيه فوائد مذهلة تقريبًا كده في كل حاجه. للكبار والأطفال والحوامل كمان. تعالوا نعرف فوائده اللي هتخلينا نحبه بزيادة:

- العلماء أكدوا إن البطيخ مليان فيتامينات "A" و"B6" و"C". كلها مضادات أكسدة، يعاني بتحارب السرطان وأمراض الشيخوخة المبكرة.

- اللون الأحمر للبطيخ ده بيرجع لمادة اسمها "الليكوبين"، ودي فوائدها عظيمة. بتحمي القلب وبتقلل الإصابة بسرطان البروستاتا اللي بيصيب الرجال. كمان بتعزز الخصوبة.

- البطيخ بيحمي السيدات من هشاشة العظام، وده لإنه بيزود القيمة الغذائية للأطعمة الغنية بالكالسيوم.

- الدراسات أثبتت إن البطيخ مفيد للشعر والبشرة، وبيقلل ظهور البثورر وحب الشباب. كمان مفيد لفروة الرأس وبيساعد على نمو شعر جديد.