في قاعدة أزلية معروفة في كل بيت مصري، هي إن طالما الشتا دخل والجو بقى برد، فلازم يظهر طبق شوربة العدس الأصيل. هو حصن الدفاع ضد برد الشتا وهجماته. بس وارد تكونوا زهقتوا منه وحابين تغيروا، فقررنا نجمع لكم 5 أنواع شوربة برضو، مغذية وبتدفي. لو عايزين تجربوا شوربة تانية غير العدس. تعالوا نعرفهم:

1- شوربة الكرنب

الكرنب موجود طول الشتا، حاول تستغل ده في تحضير شوربة أوراق الكرنب. لإنها بتدي إحساس بالشبع وكمان بتحرق الدهون في الجسم.

2- شوربة الخضار

من أطعم أنواع الشوربة، بتدفي وخفيفة وبتتهضم بسهولة. وكمان حلوة جدًا للأطفال. ده غير إن الخضروات مفيدة صحيًا، وبتحمي من أمراض القلب والأوعية الدموية.

3- شوربة البصل

لو ليك في البصل ومش بتتضايق من طعمه، عليك وعلى شوربة البصل. دي بيكون فيها خليط من البصل والثوم والكرفس والفلفل. بتمد الجسم بالحرارة، بتحسن الدورة الدموية، وتقوي المناعة.

4- شوربة الدجاج

أفضل محارب لدور البرد والأنفلونزا. مع عصره ليمون، هتلاقي نفسك زي الحصان. كمان غنية بالكالسيوم المفيدة للعظام خصوصًا في الشتا.

5- شوربة المشروم بالكريمة

غنية بالبروتينات، الفيتامينات، الأملاح، النحاس، والحديد. وتعتبر من أنسب أنواع الشوربة للأشخاص اللي بيعانوا من أمراض القلب والسكر والضغط.