ناس كتير يومها بيبدأ بعد فنجان القهوة. أكتر مشروب بيحتوي على الكافيين، اللي بيزود النشاط ويساعد على التركيز لباقي اليوم. لكن المشكلة في شرب القهوة، إنه ممكن يتحول لإدمان. علشان كده جمعنا لكم مصادر غذائية تانية للكافيين، آثارها السلبية أقل من القهوة، وهي:

1- الشيكولاتة

الكافيين موجود بشكل طبيعي في حبوب الكاكاو، وبالتالي معظم أنواع الشيكولاتة فيها قدر من الكافيين. الشيكولاتة الداكنة بتحتوي على أكثر من 10 ملليجرام كافيين، أما شيكولاتة الحليب فبتحتوي على كمية أقل. حتى آيس كريم الشيكولاتة فيه جزء من الكافيين.

 

2- الشاي المثلج

الشاي من المشروبات اللي بتحتوي على الكافيين. كمان الشاي المثلج بنكهات مختلفة زي الخوخ والليمون، يعتبر مصدر للكافيين. كل 500 مللي من الشاي المثلج، فيها 42 ملليجرام من الكافيين. 

 

3- معطر الفم

كل أنواع معطرات الفم بتحتوي على الكافيين. بعض أنواع العلكة "اللبان" فيها كافيين، بيعادل الكمية الموجودة في فنجان قهوة. المرة الجاية وانت بتشتري لبان نعناع، اقرأ المكنوات.

 

 4- المشروبات الغازية ومشروبات الطاقة

المشروبات الغازية فيها كميات عالية من الكافيين. وبتختلف نسبة الكافيين من 23 لـ 41 ملليجرام، حسب كل إزازة. كمان مشروبات الطاقة، اللي ناس بتشربها وقت المذاكرة أو التمارين الرياضية، فيها نسب كبيرة من الكافيين.