خلاص بنقرب من أخطر ديد لاين ممكن نواجهه في حياتنا. الوحش اللي بنستناه وإيدنا على محفظتنا وقلبنا، في نفس الوقت.. إنه الفلانتين يا سادة. وفي وسط التحضيرات والتظبيطات والتفكير في هدايا، والمعمعة اللي انت غرقان فيها، قولنا نحاول نساعدك. غالبًا انت فكرت في سهرة عشا رومانسية من بتوع الأفلام، فإحنا بنكمل لك الطريق وجبنا لك أفضل 7 مطاعم في القاهرة، تقدر تقضي فيهم سهرة عشا حلوة في الفلانتين. وكمان بتقدم لك أكل من مختلف مطابخ العالم، يلا بينا:

1- Maestro Italian Restaurant

مش محتاج تسافر إيطاليا علشان تجرب المطبخ الإيطالي، إيطاليا هتجيلك لحد عندك في مطعم مايسترو في سيتي ستارز. هتستمتع بأحلى الأطباق الإيطالية المميزة، وسط أجواء وديكورات إيطالية. تفاصيل أكتر من هنا.

2- Fayruz Lebanese Restaurant

لو بتحب المطبخ اللبناني، تقدر تجرب مطعم فيروز في سيتي ستارز. ممكن تقعد في جزء الأوبن إير، أو تستمتع بعرض رقص شرقي مميز. تفاصيل أكتر من هنا.

3- Raj Restaurant

المطعم بيقدم الأطباق الهندية، على إيد الشيف الهندي "أرفينث". اختيارات كتيرة ومتنوعة من الأكلات، وكمان مناسب للشخص النباتي. موجود في فندق هيلتون هليوبوليس. تفاصيل أكتر من هنا.

4- مطعم عصمانلي

من جوة فندق كمبنسكي النيل في جاردن سيتي، هتدوق أحلى أطباق المطبخ التركي. وهناك هتتعشى وانت سلطان بجد، وتقضي سهرة ماتتنسيش. تفاصيل أكتر من هنا.

5- صبايا

مع الشيف اللبناني "وليد باز"، هتدوق أروع أطباق المطبخ اللبناني. في مطعم صبايا في فندق إنتركونتيننتال سميراميس. وبالزي اللبناني، هتشرب الشاي وتجرب الحلويات في اللاونج. تفاصيل أكتر من هنا.

6- كبابجي

لو بقى عايز تقضيها مشويات، يبقى مكانك في مطعم "كبابجي" في سوفيتيل الجزيرة. هتحتار وسط أطباق الكباب والفراخ والحمام. وبعد الأكل تقدر تستمتع بنمظر النيل، من التيراس الخاص بالمطعم. وأكيد السهرة هتكون مختلفة. تفاصيل أكتر من هنا.

7- The Smokery

مطعم سموكري في القطامية، بيوفرلك سهرة عشا من الطراز الرفيع. وسط الأجواء الساحرة ومنيو متنوع بيضم أطباق كتيرة ومختلفة. هناك هتجرب أفضل أنواع السلمون المدخن في العالم. تفاصيل أكتر من هنا.

Happy Valentine's Day