"لسان عصفور- خضار- خضار بالكريمة" هيفضل طبق الشوربة أساسي على الفطار في رمضان، بيرطب الجسم وبيهيئة لاستقبال باقي الأكل بعد ساعات صيام طويلة، ومهما اختلف نوع الشوربة مانقدرش ننكر فوائدها، وفي الموضوع ده هنقول لكم على فوائد عظيمة لشوربة المشروم بالخضروات الملونة.

1-أثبتت دراسات متنوعة إن المشروم والخضروات الملونة فيهم مضادات الأكسدة، اللي بتحافظ على الصحة العامة وبتحمي من الإصابة بالأمراض.

2-المشروم بيدنا إحساس بالشبع وبيقلل آلام الجوع بعد الصيام، وبالتالي هيقلل استهلاكنا للسعرات الحرارية.

3-العناصر الغذائية الموجودة في المشروم والخضار، بتساعد على تجنب السمنة وأمراض القلب، والانتظام علي تناولها بيخليك تحس بإن طاقتك وصحتك بقوا أفضل.

4-مفيدة للستات لإنها بتساهم في نقاء البشرة وتنحيف الوسط.

5-بتنظم ضغط الدم، الأمر اللي بيؤدي لتقليل مخاطر الإصابة بارتفاع ضغط الدم وأمراض القلب والأوعية الدموية.

6-غنية بالألياف المفيدة اللي بتقلل مستويات السكر في الدم، وبتحسن مستويات الجلوكوز والدهون والأنسولين في الدم.