سفرة رمضان مبتخلاش من الحلويات، اللي بتتعمل مخصوص للشهر ده وبتفضل مكملة لآخر. وطبعًا معظمها بيكون مليان سكريات ودهون وسعرات حرارية، بتتسبب في زيادة الوزن بشكل كبير.
علشان كده هنقول لك على حلويات صحية تساعدك تخس وتفيد جسمك بالعناصر الغذائية المهمة:
1- التمر
غني بالسكريات الطبيعية اللي بتمد الجسم بالطاقة، وكمان مناسب لمرضى السكر الأشخاص اللي بيعملوا دايت. وممكن يتحشي زبدة فول سوداني أو مكسرات.
2- زبادي بالعسل والفواكه
مفيش أحسن من كوباية زبادي متحلي بالعسل ومتقطع عليه فواكه فريش. بكده الجسم هيستفيد بعناصر غذائية كتيرة زي الكالسيوم والفيتامينات، بدون أي سعرات حرارية تزود الوزن.
3- المكسرات
المكسرات بتحتوي على دهون صحية بتساعد لعى خسارة الوزن. تقدر تاكل شوية مكسرات متنوعة زي، مع رشة قرفة هترفع معدل حرق الدهون. وممكن تزود شوية شوكولاتة داكنة مبشورة.
4- شوكولاتة الكاكاو
اختار الشوكولاتة اللي بتحتوي على 70% كاكاو. لإنها غنية بمضادات الأكسدة اللي بتعزز صحة القلب، وبتساعد في فقدان الوزن بشكل صحي.
5- آيس كريم الفواكه
بيتعمل عن طريق خفق أي نوع من الفواكه بشكل جيد لحد ما تبقى ناعمة، وتجميدها في الفريزر. ضيف عليها رشة قرفة وفانيليا ومكسرات. كده انت عملت نوع من الحلويات صحي ومن غير سعرات حرارية.
المصدر: الكونسلتو
