معظم أنواع الدايت أو أنظمة التخسيس بتعتمد على الخضروات، وده  لأنها مغذية ومفيدة جدًا. وضمن الأنواع الكتيرة، في خضروات معينة بتكون مفيدة أكتر وسعرارتها الحرارية أقل. وبالتالي التركيز عليها بيخسس بشكل سريع. تعالوا نتعرف عليها حسب موقع "تايمز أوف أنديا"

- الخيار

غير أنه طعمه لذيذ، فهو مليان فيتامينات ومعادن وسعرارته الحرارية قليلة. كمان مضاد للاتهابات، وبيساعد في مكافحة السرطان.

- الفلفل الرومي

بكل ألوانه الأحمر الأخضر والأصفر، بيحتوي على مضادات الأكسدة. واللي بدورها بتحمي من الأمراض الخطيرة. ونسبة الكربوهيدرات فيه قليلة، يعني هيخسسك أسرع.

- البتنجان

فيه نسبة كبيرة من الحديد والمعادن اللي بتحارب الأنيميا وفقر الدم، وبيقلل الكوليسترول في الدم. فلو كنت بتعمل دايت الأيام دي ممكن تاكله ني على السلطة مثلًا أو مطبوخ، لكن ابعد عن قليه في الزيت.

- الأفوكادو

هو فاكهة بنعاملها معاملة الخضراوات، غني بالدهون الصحية وبيتحتوي على عدد قليل من الكربوهيدرات سهلة الهضم. كمان بيساعد في خفض الكوليسترول الضار والدهون الثلاثية بالجسم.

- السبانخ

ناس كتير مبتحبش السبانخ مهما كانت الطريقة اللي معمولة بيها، لكنها بتتميز عن باقي الخضروات أنها مفيدة لصحة العين والقلب. وبتدي إحساس بالشبع لفترة طويلة. فحاول تاكل سبانخ كتير الفترة الجاية.