مع دخول فصل الصيف وارتفاع درة الحرارة، بيكون خطر على صحتنا إننا نتعرض لأشعة الشمس القوية. خاصة الأشعة فوق البنفسجية اللي بيكون لها تأثير قوي على الجلد وصحة العين. وزي ما بنكتر من السوائل، فيه كمان أطعمة مهمة بتحمينا من أشعة الشمس الضارة، حسب ما نشر "الكونسولتو". يلا نعرفها:

1- العنب

بيحتوي العنب على مادة "البوليفينول"، اللي تعتبر من أهم مضادات الأكسدة. وبتلعب دور مهم في للوقاية من التأثير الضار لأشعة الشمس. بجانب إنه من فواكه الصيف الغنية بالمياه والسكريات الطبيعية.

2- البطيخ

بيحتوي على "الليكوبين" وفيتامين C، دول  بيساعدوا على الوقاية من التلف الناتج عن الأشعة فوق البنفسجية. كمان البطيخ  بيرطب الجسم ويقلل درجة حرارته في الطقس الحار.

3- الأفوكادو

يعتبر مصدر غني بفيتامين E، اللي بيحمي الجلد من التلف، ويمنح الجسم الترطيب اللازم. كمان مفيد للبشرة لو تم استخدامه كماسك بعد خلطه بالعسل.

4- الكريز

100 جرام من الكريز بيكون فيهم 200 لـ 300 ملليجرام من البوليفينول. اللي بيحمي الجلد من التلف، ويقي من السرطان والسكر وأمراض القلب وهشاشة العظام وغيرهم.

5- الجوافة

من أهم الأطعمة اللي بتحمي الجسم من تأثيرات الأشعة فوق البنفسجية، وده لأنها بتحتوي على كمية كبيرة من فيتامين C اللي بيساعد على محاربة تلف الخلايا.

6- الفلفل الأحمر

بيحتوي على فيتامين A اللي بيحمي من حروق الشمس. وبيحتوي 100 جرام منه على 42,891 ميكروجرام من البيتا كاروتين، المعزز لجهاز المناعة.

7- الجزر

الجزر بيحتوي على عناصر غذائية كتير زي: فيتامين C، الليكوبين، البيتا كاروتين. وكلها بتحمي من التلف الناتج عن أشعة الشمس، وسرطان الجلد. وكمان بيحارب علامات التقدم في السن.

8- الطماطم

أثبتت الدراسات أن تناول الطماطم لمدة 10 أسابيع، بيمنع أي مشكلات جلدية ممكن يتعرض لها الجسم. لاحتوائها على نسبة عالية من الليكوبين.