رشح القائمين على تنفيذ النسخة المصرية من مسلسل "suits"، الفنان آسر ياسين لبطولة العمل. واللي لسه ماوقعش في انتظار الاستقرار على تفاصيل التعاقد. والأمور المتعلقة بالتحضيرات وترشيح الممثلين.

من المتوقع يكون عدد حلقات المسلسل 44 حلقة، بواقع حلقة كل أسبوع. هيتم عرضها للجمهور سواء على الإنترنت أو شاشة التليفزيون. من تأليف ورشة محمد أمين راضي، إخراج خالد مرعي. وهيتم تصويره خلال شهر أغسطس الجاي على أقصى تقدير.

المسلسل الأمريكى "Suits" بينتمي لنوعية الدراما الكوميدية، واتعرض أول موسم منه سنة 2011. أحداثه بتدور عن "مايك روس"، شاب ذكي وطموح لكن ماكملش دراسته الجامعية. بينجح فى كسب ثقة محامى مشهور، بيقوم بتعيينه مساعد له فى شركة كبيرة بيشتغل فيها. الأمر بيحط الاتنين في مخاطرة كبيرة، لو انكشف أمر "مايك" واتضح أنه مش خريج جامعة هارفارد.