أكيد قلة الحركة مع القعدة في البيت بسبب الحجر الصحي، بتسبب زيادة الوزن. وبما إن صالات الجيم كمان مقفولة، بيكون الحل في البحث عند بديل زي التمارين المنزلية. لكن اللي كتير ميعرفهوش إن القهوة كمان بتخسس، بس لما تشربها بطريقة معينة وفي وقت معين، إزاي؟ هنقول لك:
1- اشرب القهوة بلاك، من غير حليب أو قشطة. وبكده فنجانك هيكون خالي تمامًا من السعرات الحرارية والدهون والكوليسترول.
2- اشرب القهوة بعد الأكل، لأنها بتحتوي على مضادات أكسدة والكافيين، اللي بيساعدوا الجسم على تسريع عملية التمثيل الغذائي.
3- شرب القهوة بعد الأكل بيزود الإحساس بالشبع لفترات طويلة. لأن الكافيين بيحتوي على مركبات بتساعد على فقدان الشهية.
4- فنجان القهوة قبل التمرين الرياضي، هيحافظ على نشاطك ويقلل وزن المياه في جسمك.
5- حاول ماتشربش أكتر من فنجانين قهوة يوميًا. لأن ارتفاع نسبة الكافيين في الجسم له تأثيرات خطيرة على الصحة.