صحيح دي أول رأس سنة تعدي علينا من غير حفلات غنائية وسهرات فنية للصبح، بسبب ظروف جائحة "كورونا"، والتزامنا بالتباعد الاجتماعي، لكن بعض النجوم قرروا يقضوا آخر يوم في سنة 2020 مع جمهورهم من خلال بعض المسرحيات الكوميدية اللي هتروق علينا شوية، وطبعًا مع تطبيق كافة الإجراءات الاحتزازية وقت العرض.

لكن بنوضخ لكم إنه ممكن في أي لحظة يتم منع العروض المسرحية بقرارات حكومية جديدة، علشان كدة لازم تتواصلوا مع الأماكن اللي هتقدم العروض دي قبل ما تروحوا.

تعالوا نعرف إيه المسرحيات دي، وهتتعرض فين:

مسرحية "هابي نيو يير بالعربي"

 هتتعرض على مسرح "كايرو شو" في التجمع الخامس، الساعة 9:00 مساءً.

سعر التذكرة: 300- 400- 500- 750- 1000- 1500 جنيه.

 

مسرحية "اللوكاندة"

هتتعرض على مسرح "نجيب الريحاني" في وسط البلد، الساعة 8:00 مساءً.

سعر التذكرة: 150- 200 جنيه.

 

مسرحية "صباحية مباركة"

هتتعرض على مسرح "فندق نايل تاور" في جاردن سيتي، الساعة 8:00 مساءً.

سعر التذكرة: 100- 200- 300- 400 جنيه.

 

مسرحية "المتفائل"

هتتعرض على خشبة "المسرح القومي" في العتبة، الساعة 8:00 مساءً.

والدخول مجانًا.

 

مسرحية "سيد درويش"

هتتعرض على مسرح "البالون" في العجوزة، الساعة 10:00 مساءً.

سعر التذكرة: 50- 75- 100- 150 جنيه.

بنتمنى لكم سهرة سعيدة، ومتنسوش الكمامة.